Elke-Sekonde-Tel op Facebook - Kliek op die Sonneblom en "Volg" ons Blad!!!

Dinsdag 20 Desember 2022

Nie goed genoeg nie!


 Stelling A: "You were born... pre-approved"


Glo jy dit? 


Stelling B: "You were unsuccessful..."


Jy kán nie, jy is nie goed genoeg nie. Ongelukkig nie gekwalifiseerd genoeg hiervoor nie. Jammer, nie mooi genoeg, nie ryk genoeg, maer genoeg, "in" genoeg of slim genoeg nie. Te direk, te vriendelik, te kwaai, te skaam, te.senuweeagtig, te stadig. Skies, jy haal nie die lys nie....en die vertoonkas van jou teleurstellings groei.


Glo jy dit?


Ons is geneig om die wêreld te glo. Ons self deur die mense om ons se opiniebrille te bekyk. Ons volgens hulle waardeskale te weeg.


God sê ons is "pre-approved"... ja, vooraf deur Hom goedgekeur. Dit wat die mense dan vir jou sê dat jy nié is nie, dit kom nie uit Sy mond uit nie en dis beslis nie God se Hart vir jou lewe nie. 


Kies vandag wie jy gaan glo.

Dit gaan jou hele lewe bepaal.


Jy, ek, ons ís pre-approved.

TG🌻

Maandag 04 April 2022

Tersia Gouws Writer Portfolio

 

Tersia Gouws

Freelance Writer

Dear Client,

 

Are you Looking for a Creative Writer?

 

·         I have more than 15 years of experience in compiling letters and emails to corporate clients, healthcare providers and professionals in the medical scheme insurance industry.

·         My experience includes in-task training to consultants to improve their writing skills and qualify assessment of written communication.

·         In the non-profit industry I spent one and a half year compiling content for newsletters, social media posts and creating funding proposals for grants and donations. Not only did this generate funding for these organizations, but also great awareness for their causes.

·         I am skilled in both Afrikaans and English. Writing in both British and American English.

·         My passion for writing directed me to take part in publications which included the following:

Chapters in The Following Afrikaans Books Published by Carpe Diem Media:

v  #EkOok

v  Los die werkende ma skuldgevoel

v  #Regte geloof

v  #Gelukkige gesin

v  Vry, vrolik en bly

v  Doof vir God

v  Foute wat selfs oulike ma’s maak

    Afrikaans Poems:

v  Turksvy Publikasies/KKNK: Maskers en Mure. Gedig naam: Jy, Pandemie!

v  Malherbe Uitgewers: Lewe is ‘n Lied bundel - gedig naam: Ek en jy.

v  Ink Skryf in Afrikaans: Inkspraak 2 Bundel Kortverhaal - As geweld al uitweg is.



·       I take on freelance ghost writing projects as part of The Urban Writers team as a Premium Writer (highest tier). This gives me the opportunity to make clients’ dreams come true to publish self-help books that will better the lives of others.

·         I am an affiliate member of the following South African Institutions:

 

 

·      Please find some examples of my writing on the next page. I hope you enjoy reading my work, and hope to hear from you soon!

A mention of my poem in the book review by Daniel Hugo on Netwerk24:

https://www.netwerk24.com/netwerk24/kunste/boeke/boekevat-die-onblusbare-speelsheid-van-menslike-gees-20210607

Source: Netwerk24

Examples of Ghost Writing Book Projects I Have Worked On:

 Marriage, Interactive Games, Scripture, Fitness, Weigh-Loss, 

Conflict Resolution...


Other Content Snippets:

 

Medical Scheme Example - Fictive Letter to members:

 

“Dear valued Member

 

At ……. we strive to hold the best interest of our members close to our hearts. The COVID-19 pandemic has hit us unexpectedly and caused much uncertainty amongst most of us. We would like to reassure our members of our continuous support to provide accessible, quality healthcare. We have partnered with Dis-Chem sites nationwide to offer members the opportunity to receive their COVID-19 vaccinations.

 

To register for your vaccine appointment at any Dis-Chem site:

·         Access the Dis-Chem website: www.dischem.co.za/register-vaccine

·         Enter your South African identity number, and your mobile number

·         Choose an available date and time slot on the appointment scheduler

·         Submit your information

 

Once you have followed these easy steps, you will receive a confirmation SMS with your appointment details, and your reference number. Remember not to miss your appointment.

 

Should you have any difficulties with the above steps, you may contact the Dis-Chem Customer Care line on 086 ------ or contact ------- at 086 --------.

 

Yours in Wellness

_______ Medical Scheme”

 

Self-help Examples:

 




 

Afrikaanse Kortverhale (snippets):


Facebook: Tersia Gouws - Skrywer - Publiek | Facebook

Blog: https://elkesekondetel.blogspot.com/

https://freeurlshortener.net/IcC

Volunteer Translator for Love God Greatly Afrikaans:

Translating Bible Studies from English to Afrikaans

Team Leader: Jerine Coetzee

Email: jerine.coetzee@telus.net

Other Social Media Marketing Content:

Page: Aloe Ferox Pretoria Moot | Facebook

Thank you for reading my Portfolio!

Warm regards

Tersia 

 

 

Maandag 06 Desember 2021

As geweld al uitweg is

geskryf deur Tersia Gouws


Hugo sit die mes tevrede neer. Dit is uiters bevredigend as hy iets kan sny, nog meer as die iets ñ vrou is. Wanneer hulle bietjie weerstand bied, geniet hy dit natuurlik die meeste. Hierdie een is besonders. Sy is beslis beter as die vorige een en miskien sy grootste beloning sover. Sy veg met alles in haar om hom te keer. Dit laat sy bloed bruis en wanneer die adrenalien inskop presteer hy op sy beste. "O, Paulene, jy gaan nie wegkom nie. Ek het jou in my greep, vir ewig", dink hy hardop. Sy vorige teiken het heeltemal te maklik toegegee, liggies gekreun van die pyn, maar hom laat begaan. Dit het naderhand vervelig geword om haar te pynig en hy het ook geweet dat sy nie ʼn woord sou rep na die tyd nie. Dis seker hoekom hy haar laat gaan het. Paulene is egter te veel van ʼn vegter, hy sal ʼn ander plan met haar moet maak as hy klaar is…


Paulene probeer ongemerk haar hande los wikkel. Die toue sny deur haar vel, maar dis niks, niks teenoor die pyn van die laaste paar dae nie. Sy sal stil te werk moet gaan. As hy haar hoor of selfs sien beweeg, is dit verby. Hugo Venter is genadeloos. Geld, mag, sjarme ... alles wat hy het tel in sy guns. As die wêreld maar net weet wie Hugo werklik is.


Hul paaie het gekruis by ñ gala aand vir die organisasie waar sy werk, Save our Women and Children, ironies. As fondsontwikkelaar word dit van haar verwag om verhoudinge te bou met hoë waarde individue. Die organisasie kan baat vind deur die publisiteit wat dit sal meebring en ook die donasies wat hierdie individue hartlik gee om ook hul deel terug te eis by die belastingman.


Min het sy geweet hoe duur die prys sou wees wat sy gaan betaal vir hierdie ontmoeting. Haar passie vir die organisasie spruit voort uit haar kinderdae. Haar laaste herinneringe van Adri, of te wel haar ma, is wankelende verhoudings met een man na die ander en natuurlik haar dood aan die hand van Cobus Roux, haar nuutste en laaste verhouding flater. Haar ma het nooit haar eie waarde raakgesien nie en veiligheid en aanvaarding gesoek by ander, ongelukkig vir haar, by die verkeerde tipe mans en ongelukkig ook tot nadeel van haar dogter.


Paulene Nel ken van swaarkry. ñ Lewe in die kinderhuis omdat niemand in die familie kans gesien het om ñ rebelse tienerdogter, veral een wie se ma so ñ lieflike reputasie het, in te neem nie. Nee, sy wens dit oor niemand en dis juis waarom sy besluit het sy wil organisasies help wat vroue ondersteun teen geweld en mishandeling.


Snaaks genoeg, sy kon blykbaar nie eers haarself daarteen beskerm nie.


Daar was geen agterdog by haar toe Hugo haar op die gala aand van sy besigheidskaartjie voorsien en uitnooi om ñ draai te kom maak Vrydag om die organisasie te bespreek. Dis immers haar werk en die rede waarom professionele persone soos Hugo uitgenooi is na die funksie toe.


Die Venter's is ñ welbekende, vooraanstaande gesin in die besigheidswêreld binne Gauteng.


Hulle familiebesigheid, Venco Ingelyf, is bekende belastingadviseurs en lewer gereeld hul bydra tot liefdadigheidsorganisasies, waarvan Save our Women and Children een is. 


Dis seker nou al twee dae na hul ontmoeting Vrydag, sy is self nie seker nie, want na Hugo haar koffie aangebied het, kon sy werklik niks verder onthou nie. Sy het hier wakker geword met ñ brandende pyn, sy kon die snye aan haar lyf voel. Dit was aand, toe weer dag, toe weer aand en vandag, die ergste sover. Hy het homself op haar afgedwing, sy merk gelaat en met elke weerstand en geveg van haar kant af, het hy haar gedreig met die mes, haar vel in brandende hale gesny.


Sy hoor hoe sit Hugo die mes neer. "O, Paulene, jy gaan nie wegkom nie. Ek het jou in my greep, vir ewig."


Dis nou haar kans. Haar enigste kans om weg te kom.


Hugo staan nog met sy rug gedraai na haar waar hy met die mes besig is. Sy het al na soveel vroue se stories geluister by die rehabilitasiesentrum. Sy moet nou dink, daar is nie tyd nie, slegs een kans. Wat sal die beste manier wees om weg te kom? Haar hande is nou los. Op ñ manier het sy een van die lemmetjies waarmee hy haar vroeër teen die borste gesny het weggesteek terwyl hy besig was om homself seksueel op haar af te dwing. Sy is egter te swak om teen hom te veg. Haar liggaam is fisies afgetakel. Soveel getuienisse flits deur haar kop, Monica met die drankverslaafde verloofde, sy het op die ou einde iets in sy drankie gegooi wat die doodskoot gegee het, die prys wat sy moes betaal... ñ lewe in die tronk weg van haar kinders. Daar is versagting op haar vonnis gegee vir die jare se mishandeling wat sy moes deurmaak, maar versagting maak nie die skade minder nie. Tracey, die fyn meisie wat seksueel misbruik en verbaal afgetakel is, haar stiefbroer, die skuldige, het sy na jare se uithou gedood deur ñ naelvyl telkemale deur sy breë bors te steek. Geweld is nie ñ oplossing, maar wel ñ uitweg. ñ Geweer is natuurlik die beste uitweg, maar sy het nie toegang tot een nie. Haar handsak... daar is wel ñ gaspistool vir veiligheid in. Waar sou hy haar handsak gelos het? Sy moet nou mooi dink. 


Moontlik nog in die sitkamer waar hul koffie gedrink het? Nee sy twyfel. Die huis waar hy woon, is op die familie se perseel, waar hul besigheid ook is. Daar sal ander voete, soos ñ huishoudster en chef in die enorme huis wees. Hy sou dit nie daar los nie. Heel moontlik het hy dit saamgebring hier na sy studeerkamer, waar hy haar martel vir die afgelope paar dae. Sy het tot die gevolgtrekking gekom dat die mure klankdig moet wees, want sy hoor geen geluide buite nie. Dis definitief sy studeerkamer want die vertrek is welig versier soos die sitkamer en as daar oproepe inkom plak hy haar mond toe met kleefplastiek en neem dit deur sy oorfone. Sy het gehoor dat hy aan sy persoonlike assistent, Welna, noem dat hy onwel voel en tuis gaan werk vir ñ paar dae. Sy ken vir Welna. Die stil, jong dame met die diep, bang bokkie-bruin oë. Paulene het al ñ paar keer saam haar gewerk vir fondsinsamelings saam met Venco Ingelyf. Dis haar enigste hoop. Sy kan haar foon in haar handsak kry of die kontak van sy foon af skakel, as sy hom net kan verdoof met haar pistool. 


Wat as sy onsuksesvol is? Wat gaan hy met haar maak? Sy ril van vrees as sy daaraan dink.


Nou moet sy vinnig werk. Hy is nog besig om sy mes blink te vryf en dreigemente te uiter. Haar oë soek deur die vertrek, dis moeilik om nie te beweeg nie. Waar sal haar handsak wees? 


Die badkamer is aangrensend tot die vertrek. Sy weet, want sy het al haarself natgemaak en hy het haar daaroor sleggesê en dit as rede gebruik om haar met die lem te sny waar dit die seerste maak. Daarna het hy haar wel toegelaat om badkamer toe te gaan onder sy wakende oog. Sy sal wag tot hy in die badkamer is, maar sy moet haar handsak eers vind. Sy hoop dit werk so uit.


Haar oog vang dit, die handsak op die stoel, oppad na die badkamer. Hy sit die mes neer. "Ek is reg vir jou, meisiekind. Jy gaan nie verder veg nie. Sodra ek klaar is in die badkamer, is dit jou beurt."


Dankie tog. Sy demp die sug van verligting. Nou moet sy wikkel. Hy maak die deur toe. Nog ñ voorsprong. Sy beweeg stadig, dis so seer, maar sag soos sy kan, tot by haar sak.


Die wapen, waar is dit? Haar oog vang dit, haar pistool lê op sy lessenaar. Daar is nie genoeg tyd nie. Sy haal die botteltjie Shower to Shower en haar naelvyltjie uit. Sy maak die handsak toe en gaan staan stilletjies langs die deur. Haar bene wankel, sy voel lam. Sy moet net deurdruk. Die toilet trek. Die deur se handsvatsel beweeg. In een beweging spuit sy die sprei in sy oë en slaan hom oor die kop met haar handsak met al die krag wat sy het. Terwyl hy sy oë vryf gryp sy die pistool op sy lessenaar en spyt hom tot hy snak na sy asem en op sy knieë neerval. Haar foon het langs die pistool gelê, maar dis af. Sy moet gou werk. Sy tree nader  Hy probeer na haar bene gryp. Sy pluk die foon uit sy broeksak en gaan na sy onlangse oproepe. 

Welna. Die foon lui. Dit voel soos ñ ewigheid. Antwoord net, dammit. "Hallo, mnr Venter." antwoord die sagte stem. "Welna, dis ek, Paulene van Save our Women and Children. Hy hou my gyselaar in sy studeerkamer, hy gaan my doodmaak, help my asb."

Welna word stil, dan antwoord sy driftig: "Hy gaan nie weer hiermee wegkom nie. Ek het té lank stilgebly. Ek stuur onmiddellik die sekuriteit en bel die polisie. Jy is op luidspreker, mnr Venter se pa is ook oppad."

Hugo struikel orent en gryp haar aan die keel, maar sy veg, skop en krap met alles in haar. Hulp gaan nou hier wees.

Dis nog nie die einde van Paulene Nel nie.

©️Tersia Gouws

Saterdag 13 November 2021

Wees opreg, eg teenoor jouself en ook teenoor ander


Jy het dalk die voorreg om alles van almal te weet. Dit beteken nie jy moet dit met almal deel nie. Bewaar die vertroue wat mense in jou stel soos goud.

Paulus help ons mooi deur te verduidelik ons moet nie ons liefde ñ skynheilige vertoning laat wees nie, maar eerder ñ opregte omgee liefde.

Jy was dalk skuldig hieraan in die verlede. Hoe nou gemaak vir die nuwe blaadjie wat jy wil omslaan?

  • Moenie mense met mekaar bespreek nie. Indien daar nie ñ goeie, opregte rede vir die gesprek is nie, is dit skinder.
  • Bou vriendskappe met persone wat ñ goedaardige ingesteldheid en positiewe uitkyk op die lewe het.
  • Liefde is ñ doen-woord. Los die praat, en neem aksie.
  • Dink oor ñ situasie voordat jy reageer. Jy is die eienaar en bestuurder van jou reaksies.
  • Doen bybelstudie en baie navorsing oor die maniere waarop jy ñ opregte, egte vriend of vriendin kan wees.
Die skakels waarop jy hierbo kan klik bied interessante en waardevolle leesstof.

Onthou as jy ernstig is om jou aksies te verander moet jy die tyd en die navorsing insit. Mens gaan nie op ñ reis sonder ñ kaart of ñ navigatorstelsel nie.

Gaan kyk ook na die volgende hulpbronne:

  • https://www.kruispad.net/beste-vriende-vir-altyd/
  • https://bybelskool.com/johannes-1512-17-wat-n-vriend-het-ons-in-jesus/
Love God Greatly is ‘n pragtige gemeenskap van vrouens wat ‘n verskeidenheid soorte van tegnologie gebruik om mekaar verantwoordbaar te hou in God se  Woord. Sluit gerus by hul aan vir ñ netwerk van ondersteuning, en lees ook wat hul te sê het oor vriendskap.

Mag julle geseën word met die wysheid om ñ goeie vriend te wees, en mag julle ook goeie vriendskap ontvang. 


Groete
Tersia

Sondag 18 Julie 2021

Word jou wêreld uitmekaar geruk?

Voel jy ook dat jou wêreld uitmekaar geruk word? Geplunder word? Ineenstort?

Ek wil vanaand met julle praat oor ñ krisis wat Jesus en sy beste vriende in die gesig gestaar het.

Jesus was uitgeput na ñ dag van geestelike werk en het gaan lê om te rus. Die dissipels was in beheer van die boot waarop Jesus ook was. Die dissipels was gesoute vissermanne, hulle het groot geword op die see en al menige kere tevore storms trotseer. Hul was ervare seevaarders en het hul storie geken.

Maar, daar het ñ storm gekom. Hierdie storm was anders, meer aggressief en ongenaakbaar as enige gewone storm. ñ Storm so wreed en kragtig soos nooit tevore. Hierdie storm het Jesus geteiken en ook hulle wat saam Hom op die boot was.

Die ervare seemanne was vreesbevange. Hulle was moedeloos, angstig en al hul hoop was verlore. In hul oomblik van vrees het hulle Jesus wakker gemaak. Hy het hulle vermaan... waarom is julle so kleingelowig? Hy het die seewaters en die wind, die ontoombare storm stil gemaak.

"Wie is hierdie man?" het hulle gewonder.

🌻🌻🌻

Vandag wil ek net vir jou sê... ek weet nie watse storm jy trotseer nie. Dit is dalk werkloosheid, skuld, depressie, alleenheid, gesondheid, mishandeling, die dood van ñ geliefde of vrees vir die onbekende...

Ek weet nie wat jou storm is nie en ek weet ook nie hoe om jou storm stil te maak nie. Ek weet wel die volgende. Ek wil vandag vir jou sê: God IS lief vir jou.

Gaan hammer op Sy deur, klop Hom wakker. Vra sy hulp. Hy het die antwoorde wat jy soek. Hy sál jou storm stil kom maak!

~ TG
🙏🏻🙏🏻🙏🏻

Saterdag 17 Julie 2021

Wil jy gelukkig wees?

Dis eintlik maklik om gelukkig te wees. Jy moet net weet hoe.

As jy voel dat hierdie te maklik klink en ek bog praat, kan ek jou dalk help met ñ paar idees wat jy self by die huis kan gaan probeer!

Nommer 1: Wees jouself. Groepsdruk, clicks en keeping up with the Kardashians is só laasjaar. Hierdie jaar se trend is beslis om jouself te wees en van jouself te hou. Sodra jy dit regkry, sal die behoefte om met iemand anders te kompeteer of soos hul te lewe gou verdwyn!

Nommer twee: Stel vir jouself een doelwit. Studie daai een doelwit, commit aan daai een doelwit. Eet, werk, slaap daai doelwit. Behou jou fokus. 

Nommer drie: Kies jou gevegte. Behou jou vrede. JY HOEF nie met almal te debateer nie, jy hoef nie altyd jou opinie te gee nie. Veg slegs vir dit wat werklik saakmaak.

Bo dit alles, onthou om dankbaar te wees. Wat het jy vandag om voor dankie te sê?

Dinsdag 19 Mei 2020

Quit talking, begin doing...!

“The way to get started is to quit talking and begin doing.” 

– Walt Disney



The way to succeed is definitely seated in doing instead of talking.

De manier om te slagen zit beslist in het doen in plaats van praten.


Sondag 17 Mei 2020

Support each other

In these challenging times, please stay in touch with family and friends on a daily basis via phone. We need each other to stay positive and in good health and wellbeing.







Saterdag 02 Mei 2020

# MyStorie ... Verkeerde keuses, nie die einde van jou storie!







ñ Werksgeleentheid in die "beloofde land”, die antwoord op ons gebede. My man werk met ñ dankbare hart, maar die verlange raak swaar. Die visa is goedgekeur dat hy sy gesin kan saambring. Ek is ook ñ werk belowe deur die maatskappy. Soveel gebid. Die teks het telkemale na my toe gekom vanuit Jesaja 43.

“Dink nie aan die vorige dinge nie, en slaan geen ag op wat vroeër gebeur het nie. Kyk, Ek gaan iets nuuts maak; nou sal dit uitspruit; sal julle dit nie merk nie? Ja, Ek maak 'n pad in die woestyn, riviere in die wildernis..."

Hierdie het ek duidelik as ‘n teken gesien dat God vir ons ‘n pad maak in die woestyn en alles nuut gaan maak. Daar staan egter later in die hoofstuk hoe die Here jou sal lei deur die woestyn terug na jou geboorteland. Hierdie gedeelte wou ek dalk doelbewus ignoreer?

Die laagste oomblik? My werkloosheid
Die belofte het nie gerealiseer nie. Ons spaargelde reeds uitgeput. Ons was op ‘n punt waar ons nie die volgende maand se huur ten volle kon bekostig nie. Die eienaars van die huurhuis was welgestelde mense wat ‘n sekuriteitsbesigheid besit. Die volgende dag klop ñ wag aan my deur en die vrou staan daar. Die huurgeld is reeds vier dae laat. Ek verduidelik in ‘n bewende stem ons was dringend Suid-Afrika toe, vir my pa se roudiens, het sopas teruggekom. Ek voel soos ‘n stoute kind. Sy vra soveel vrae. Kyk my met valkoë aan. Yskoud. My mure verbrokkel, ek vertel haar die hele storie. Sy sien die beperkte meubels, die opblaas matrasse, die hoop skottelgoed.
Sy vertel vir my hoe die "beloofde land" verskil van Suid-Afrika. Daar is geen plek vir middelklas, jy is of ryk of arm. Tog, uit ‘n baie koue ontmoeting, ervaar ek ‘n ander kant van haar.

Sy deel iets persoonlik met my,  hoe haar eie kinderlewe geaffekteer is deur ‘n vennoot wat haar vader ingedoen het. Sy waarsku my om versigtig te wees. Ek word genooi om haar kantoor te besoek die volgende dag. Daai aand betaal ons die huur en bid vir ñ finansiële wonderwerk.
Die volgende dag drink ek koffie by haar kantoor, sy het iemand genooi wat in my bedryf werk, vra die dame om my te help werk soek. Ek gee my CV, maar dit lyk nie of daar hoop is nie.

Ons wonderwerk volg
Sy stel ons vry van die huurkontrak. Ons kan goedkoper verblyf soek. Tydens die laagste tyd in my lewe, toe ek skaam was vir my keuses en ook gebroke van verlies, het God vir my gewys, daar is vir my genade en vergifnis deur Hom. Daar is altyd ‘n uitweg, hoop en ‘n verwagting.

Ons vind ‘n twee slaapkamer woonstel in ‘n “estate” buite die dorp. Toe ons daar inry slaan dit my asem weg, die uitsig, asemrowend. Bosveld. Ek voel tuis. Ek ervaar vrede, verligting en dit voel vir my of ek nader aan God is.

Ek pas goed aan as ‘n tuisbly, alles-self-doen mamma. Dit hou my besig. Ek maak ‘n geldjie met aanlyn marknavorsing. 

Geleenthede is baie beperk aangesien die “beloofde land” nie veel toelaat. Die kerk is ñ toevlug en ek vind twee engele daar. ‘n Tuisbly ma, kunstenaar en uitgetrede sosiale werker, en ‘n tandarts wat op daardie stadium ook nie kon werk nie as gevolg van haar visa. Tee drink, raad oor tuisteskepper wees en hoe om die randjies te rek, trek my deur. ‘n Ou skoolkennis woon naby, ons word vriendinne. Ons kry die geleentheid om vir die langnaweek saam my man kus toe te gaan, ’n nodige wegbreek.

Hierdie is maar ñ stukkie van my storie. Goed en sleg.

Dinge het nie uitgewerk vir ons gesin in die "beloofde land" soos beplan nie.

Dit was nie die regte tyd vir my en die kinders om te trek nie. Vandag wil ek egter sê God het ons so lief dat Hy altyd vir ons keuses gee. As ek gekies het om in Pretoria te bly, was ons finansieël in ‘n beter posisie, was ons gesin baie trauma gespaar, maar dan sou ons aanhou verlang na ‘n man en pappa wat ver is, hy sou alleen wees, en dan sou ek alleen die dood van my pa moes verwerk. Wat sou dit aan my gedoen het as ek in Suid-Afrika gebly het en alleen deur daai verlies moes gaan sonder my man se liefde en ondersteuning? God het my teen ‘n ander tipe seerkry beskerm.

Na soveel probleme wat daarna gevolg het, is ons terug Suid-Afrika toe. Sonder spaargeld, sonder werk. Net met hoop in ons harte.

Ek kan nou terugkyk en reflekteer
Ons het dit wat verby is, agter ons gesit. Mense wat ons te nagekom het vergewe. Mekaar vergewe vir swak keuses. Ek besef nou hierdie is ons beloofde land, waar God ons geplaas het. Ek lewe dag vir dag, blom waar ek geplant is. Ek laat elke sekonde tel.
Wanneer ek na antwoorde soek, moet ek my eie stem stilmaak en God se Woord volledig interpreteer, nie net die deel wat my pas nie. Ek vertrou Hom. As jy foute maak, glo in tweede kanse, want God se arms is altyd oop vir jou.

©️ Tersia Gouws

Sondag 26 April 2020

Sondag, 26 April 2020

ñ Maand by die huis. Begin lockdown ook nou vir jou te lank voel?
Byt vas.

Op ñ ligter noot. Ek voel soos Zorro se sussie in my masker. 

Saterdag 18 April 2020

Covid-19 waar's jou angel?

Covid-19 waar's jou angel?
Jy steek my reg hier in my hart.
Jy sal nie wen nie
Al bring jy soveel smart.
Soveel om te verloor
My hart voel goor.
My gesin sal jou nie vrees nie.
Dis nie die einde nie.

Vrydag 10 April 2020

Nalatenskap van Covid-19?

Koors, vlak asemhaling, siekwees en selfs die dood. Indien jy hierdie simptome op die oomblik noem beskryf jy dalk die Covid-19 virus. As ek hierdie simptome noem, dink ek aan iets iets wat baie verder strek as ‘n virus.

Kom ons praat met erns oor die gevolge van hierdie toestand. Die monsters van vrees, sosiale afsondering, depressie, addisionele werkstres, verlies aan inkomste en ‘n steierende ekonomie. Die monsters van selfsug deur verspreiding van valse inligting, deur die rakke leeg te koop vir jouself, deur te gaan braai terwyl jy in afsondering moet wees, terwyl hoeveel mediese werkers hul lewens op die spel plaas vir hul medemens...

Is ons die produkte van ons eie skeppings?
Ons kan China blameer, na regte. Die waarheid is, ons – die hele mensdom – het die bal laat val. Meer as een keer. 
Die bal waarvan ek praat is natuurlik die Aarde. Sien Adam en Eva was geseënd toe God die wêreld geskape het. God het immers vir hulle twee, die perfekte aarde, op ‘n skinkbord gegee. Daar was net een voorwaarde. Klink nie moeilik nie, né? Wel raai wat, jy ken reeds die uitkoms van hierdie verhaal. Hul het die bal laat val. Die opdrag daarna was veel minder eenvoudig. Na die sonde het verantwoordelikheid ontstaan. Die mens moes sy eie weg baan op aarde, maar ook, na die Skepping omsien, die plante, diere en ook na mekaar.

Toe begin die mens sy eie weg baan, deur die eeue heen raak die mens al hoe slimmer, meer vaardig en tegnologies gevorderd. Die mens dink hy is verhewe bo alles. Rykdom, begeerte, hoogmoed en kompetisie. Met die druk van ‘n enkele knoppie kan die mens sy mag uitoefen. Geld wat mos stom is, maak alles reg wat krom is. 

Die mens laat val weer die bal. Die bal hop en hop en hop...

Leë winkelrakke, mense wat skarrel om kosvoorraad aan te vul, iemand kla hul eet gewoonlik net gesondheidsbrood, maar gryp die laaste drie brode op die rak vir hul trollie. My kinders moet ook eet, so ry ek nou maar na winkel nommer twee en drie, tot ek ‘n brood kry. Dis my verjaarsdag, ek doen nooit die partytjie-ding nie, tog minder opgewonde besluit ek om maar ‘n braai te hou. Die familie is genooi en net een paar vriende. Ons eet en kuier lekker, ek ontvang geskenke, die kinders baljaar in ‘n groep reg rondom die huis. Minwetend dat dit ons laaste samesyn sal wees vir ‘n lang tyd.  Die volgende aand bars die storm los oor ons koppe, Covid-19. Die skole moet vroeg sluit en ons moet sosiaal distansieër. Woensdag die 18de, ek word 35, die skole sluit. Ek kry geen toiletpapier te koop nie, 18 rolle op die 18de, vir my verjaarsdag, is dit te veel gevra? Ek begin stilweg bekommerd raak oor die vrees wat ek om my sien, oor die chaos en ook die selfsug.

Die aankondiging volg skaars ‘n paar dae later. Ons het 21 dae van afsondering, ja “lockdown” soos jul elkeen dit leer ken het. My hartswens is dat daardie 21 dae vir jou ‘n geleentheid gebied het om met die werklike Skepper van mens, dier, hemel en aarde te praat, om Sy hart raak te sien en Sy begeertes vir jou toekoms. Kom ek stel dit eenvoudig. Om jou prioriteite te verander, te minimaliseer, vir die onsekere toekoms wat wag. Om die bal weer op te tel. Voorwaardes?  Ja, as ons die bal optel, gaan ons nuwe foute begaan. Ons is immers mense, kreature van gewoonte en lustig vir gemak en sonde. 

My gebed vir elkeen van ons is dat wanneer ons die bal sal optel, ons nie sal regop staan en dit op die punt van ons vinger sal balanseer nie, maar dat ons op ons knieë sal bly met albei hande op die bal. Die bal stewig vashou, nie net met ons eie hande nie, maar ook saam met die hande van ander. Wanneer hierdie globale bal weer vir ons te swaar raak? Kom ons dra dan mekaar? Het jy nie dalk ‘n ekstra plekkie in jou huis gehad tydens Covid-19 vir iemand wat eensaam en alleen was nie? Toe Maria ver swanger was, kry sy en Josef by geen herberg ‘n plekkie nie. Niemand wil hulle en die ongebore baba Jesus inneem. Wil jy weet van afsondering, van verwerping, van alleenheid? Vra gerus vir Jesus, hy het ‘n hele verhaal om jou te vertel.
Die lewe soos ons dit ken, het verander. Kom ons wees in dankbaarheid daar vir mekaar.

Ons taak op aarde - addisioneel tot omsien na diere en die natuur: om mense aan ons Skepper voor te stel? Hoeveel tyd spandeer ons aan hierdie massiewe verantwoordelikheid wat aan ons toegeken is? Wie het jy al aan God voorgestel? Het hulle Hom deur jou leer ken, of het jy hul voorgestel aan oordeel en allerhande reëls rondom hoe ‘n Christen moet of nie moet optree?  Het hulle God se liefde, Sy aanraking deur jou gevoel, sy vrede in jou oë gesien? Was jy te besig met die pot aan die kook hou, die beleggings te vermeerder, die figuur mooi hou, oorsese vakansies op Facebook te plaas, jou geletterdheid op te skerp, soveel dat daar nie tyd was vir hierdie “ander mense” faktor nie? 

Mag die COVID-19 ons oë open tot meer, mag dit stof tot nadenke vir ons wees. Mag dit met elkeen van julle goed gaan en mag elkeen van julle daardie goedheid met iemand deel. Gedurende Covid-19 was ons meer hande as ooit tevore en ons vermy mekaar. Dalk, post-Covid, kan ons Jesus se voorbeeld volg. Hy was nie hande en vermy kontak nie, nee, Hy doen die volgende:

“As Ek, wat julle Here en julle Leermeester is, dan julle voete gewas het, behoort julle ook mekaar se voete te was. Ek het vir julle ‘n voorbeeld gestel, en soos Ek vir julle gedoen het moet julle ook doen” ~ Johannes 13:14-15. 

Hoe volg ons ‘n nuwe benadering? 

In Johannes 13:34-35 gee Jesus die volgende opdrag aan Sy dissipels: 
“Ek gee julle ‘n nuwe gebod: julle moet mekaar liefhê. Soos Ek julle liefhet, moet julle mekaar ook liefhê. As julle mekaar liefhet, sal almal weet dat julle dissipels van My is.”

Hierdie dissipelskap kan in ons woorde weerklank vind maar is meer waardevol as dit gesien kan word deur ons dade.
Voor ons Jesus kan leef moet ons regtig verstaan wie Jesus werklik is. Herontdek Sy Woord, interpreteer Sy gelykenisse. Woon kerkdienste by of kyk na geestelike materiaal aanlyn, sing tot Sy eer, verhef jou stem en loof sy Naam. Sit die verlede agter jou. Maak reg waar jy seergemaak het. 

Sê jammer. Vergewe. 
Begin oor. Gee meer. 

Wil jy weet waar jy moet begin? Begin deur lief te wees vir jouself. Jy is volgens God se volmaakte beeld geskape. Moenie daar stop nie want, self-liefde wat nie ontkiem en uitspruit nie, is gevaarlik.  Deel jouself, deel jou liefde, deel jou seëninge. Mense gaan jou veel meer waardeer as wat jy self ooit kan. 

Die nuwe jy gaan nuwe geleenthede raaksien om ander in liefde te dien. Die nuwe jy gaan God se goedheid en guns op nuwe maniere ervaar. Wees opgewonde!
Kan jou hart verander teenoor mense? Kan iemand waarvoor jy bid se gewoontes verander? Kan slegte situasies verander? Beslis, dit kan. Selfs die negatiewe nuus van Covid-19 het positiewe resultate gehad. 

In China het ‘n Ouma op 103-jarige ouderdom genees van die virus. ‘n Kliniek in Cleveland het spoedig ‘n nuwe toets ontwikkel wat binne ure toets in plaas daarvan om vir dae op uitslae te wag. Gesinne regoor die wêreld leer om weer tyd saam te spandeer en saam te bid vir die wêreld. Daar kom ligter ure in donker dae – mense dans op hul balkonne, die klanke van musiekinstrumente weerklink in die aand tydens afsondering.

In die wêreld gaan slegte dinge met ons gebeur, maar ons moet kies hoe ons daarop gaan reageer. Jou nuwe normaal, post-Covid-19, kan jy op ‘n positiewe manier aanpak en nuwe doelwitte vir jouself skep, volgens jou nuwe situasie. 

Skud jou virus depressie af en sit albei jou hande op die bal! Post-Covid, waar kan jy hulp aanbied, waar kan jy saambid, waar kan jy hulp ontvang?

Liewe Leser, ek het die bogenoemde geskryf op dag drie van Covid-19 afsondering in Suid-Afrika. Op daardie stadium was ons op 1187 gevalle wat positief getoets het en een sterfte. Ek weet die situasie gaan nog versleg soos ek hierdie boodskap skryf, maar ek weet ook in my hart dat daar ‘n tyd gaan kom wat die situasie gaan verbeter. Ek skryf nou al vir jou vir daardie tyd. Moenie jou hoop verloor nie. Saam gaan ons die gevolge van hierdie vyand oorwin! 

Hierdie positiewe woorde mag dalk jou fokus rig op die lig aan die einde van die tonnel, na kwarantyn, afsondering, die afsterwe van ‘n geliefde, nadat jy genees het van die virus of na enige ander manier waarop die virus jou lewe affekteer het. Natuurlik is dit nie maklik om op te staan na ons platgeslaan is nie, maar om te bly lê is nie ‘n opsie nie.

Dink so daaraan. Wanneer daar ‘n stresvolle situasie in die toekoms opduik – jy kan dit hanteer, want jy het die Covid-19 noodtoestand oorleef!!! 

Selfs die donkerste nag het ‘n doel. Sodat jy die sterre op hul helderste kan sien skyn. 

Onthou altyd: na elke donker nag, skyn die son weer.

Dinsdag 07 April 2020

Pa, jy verjaar, nie meer nie.


Pa, jy verjaar, vandag

Maar, vandag, verjaar jy nie meer.


Die vertrek is leeg, die foon is stil

Jy is nie meer hier nie

Al verjaar jy vandag, jy verjaar vandag,

net in Gees.

 

My hart is seer, maar

dis nie net my hart nie, ook

die van ander.

 

Ek huil saggies vandag, maar

so ook die ander.

 

Ons “celebrate” jou in gees,

al wens ons dat jy vandag hier

kan wees.


In ons harte sal vandag,

altyd, jou dag bly.

Ons onthou jou.

Die reuk van lemoene en mango. Warm melk en brood, laat-aand. Stories lees op jou skoot. Ek en jy, die 1995 rugby wêreldbeker eindstryd op die kassie kyk. Sonneblomme huistoe bring en sommer ook plant in die tuin. Klein voëltjies uit nessies geval, bring vir my, ek moet hul red. Staaltjies uit lank gelede. Knoffel, black label en kan ons tog maar so bietjie braai, want die familie kom. Oproepe op Sondae. Is alles okay en laat weet as ek kan help met iets... Stil in jou stoel.

Ek onthou jou nog. 

“Jesus said unto her, I am the resurrection, and the Life: he that believeth in Me, though he were dead, yet shall he live:

And whosoever liveth and believeth in me shall never die. Believest, thou this?” ~ John 11:25-26.

~TG

Goodness, onthou jy?

Deur te onthou, maak jy God se Goedheid ñ kragtig steunpilaar in jou lewe.

Het jy al ooit gevoel dat alle hoop verlore is vir jou? Naar geword van stres en vrees vir jou toekoms?

Jou verhoudings, gesondheid, jou werk, veiligheid... bedreig deur mense, geld, siekte...deur die gebrokenheid van hierdie wêreld.

Kan jy so ñ situasie onthou wat jy wel oorleef het? Waar God, groot in genade en getrouheid, liefdevol ingetree het tot jou redding?

Ek kan.

Meer as net een keer.

Net soos God vir die Jode ingetree het, in die boek Esther, het Hy al vele kere my seer in geluk laat verander en het my verlies en rou al in mooi tye uitgeloop.

Dit is vir my moeilik om regtig my hart, my persoonlike dinge te deel. Ek weet wel, deur dit nié te doen nie, keer ek iets moois wat moet gebeur. Ek keer die onthou van God se goedheid. Mens moet praat oor jou dinge al is dit vir jou hoe moeilik.

Ek het altyd gevrees vir die dag wat ek my ouers sou verloor, hoe ek daai seer sou hanteer, hoe ek sou ophou verlang, hoe ek myself sou verwyt vir dinge wat ek anders kon doen of sê, hoe ek nie alleen wou voel nie. Toe dit wel gebeur, toe my Pa oorlede is, was dit moeilik, seer, leeg, bitter, yskoud. Maar, ek was nie alleen soos ek altyd gevrees het nie. Ek was geseën met ñ gesin se liefde en ondersteuning. My man en pragtige kinders. Alhoewel hy al meer as drie jaar weg is, is daai leeg en koue gevoel van daai tyd weg. Dit voel vir my of hy wel elke dag nog hier reg by my is as ek aan hom dink. Ek onthou hom deur soveel wat ek in my susters, hul kinders en my eie kinders sien, wat my aan hom herinner. God het vir my gesëen met die onthou van Sy goedheid in my lewe.

Watter mooi het hieruit ontstaan? 

Ek het besef dat verskillende seisoene van my lewe verskillende mooi kan inhou. Ek het ook besef, dat die tyd vir aksie nóu is. 

Ten spyte van my massiewe vrees vir rejection en vir mense se judgement, het ek besluit om te wees wie ek is. Ek het my pen opgetel. Begin blog. Ek wou iets van myself deel al het ek nie geweet hoe of hoekom nie. Hier is ons nou. Dalk maak dit wat ek deel ñ verskil vir jou, dalk doen dit glad nie. Dalk reject jy my, dalk nie. Dis die ding, ek weet nie. En dis okay, al weet ek nie... ek gaan nie meer vrees vir rejection en vir judgement nie. Ek deel wat ek voel op my hart gelê word. Miskien eendag het iemand dit wat ek deel nodig. Miskien nie. Dis okay.

God het in my lewe al berge versit. 

Kan ek dit wetenskaplik bewys? 
Nee. Ek kan nie. 

Weet ek dit in my hart? 
Ja. Ek doen.

Vir my en jou is dit belangrik om daardie spesifieke oomblikke van goedheid te onthou. Dit is daardie spesifieke stories, klein of groot, wat my en jou getuienis is. Getuienis? Ja, getuienis is in my oë ons "onthou van God se goedheid"... ons kragtige baken van hoop as gelowiges. Ons kragtige wapen om hoop te deel met elke liewe persoon, wat dit so nodig het.

Hoe gaan ek en jy vandag tyd maak om God se goedheid, Sy geregtigheid, te onthou? Te deel? Te celebrate? 

"And all my life You have been faithful 
And all my life You have been so, so good 
With every breath that I am able 
Oh, I'm gonna sing of the goodness of God 
I'm gonna sing of the goodness of God  
I'm gonna sing, I'm gonna sing"
~ Bethal Music

Deel gerus hierdie artikel as dit op jou hart gelê is om so te doen vandag. Mag jy ñ mooi dag hê vol van God se goedheid, Sy liefde en Sy genade. 

~TG.

Wie ek? Goed genoeg?

Dalk het jy ook al gevoel jy is nie goed genoeg nie? Minderwaardigheid is ñ wapen waarmee jy, jouself maklik kan verwoes as jy nie versigtig is nie!

Waarom moet ons altyd ons self vergelyk met ander? Dis net so goed jy wil ñ resieskar gebruik om ñ 4×4 bospad aan te durf of ñ donkiekar om ñ spoedresies op Kyalami te wen. Hoekom kan jy nie so maer, ryk of populêr soos jou vriendin wees nie? Want, dis nie jy nie.

Het jy al ooit gewonder .... as God wou gehad het jy moet iemand anders wees of selfs net soos hulle wees, sou Hy ons tog seker almal presies dieselfde gemaak het? 

Wel, wees verras - Hy het nie. Ons liefdevolle, skeppende Vader, het elkeen van Sy kinders uniek gemaak. Ons elkeen is met ñ ander potlood geteken.

Ons lyk anders, dink anders, voel anders en doen anders. Raai wat? Dis okay!!!

Besef wat is jou doel op aarde en maak die beste daarvan. Jy kry immers net een lewe. Maak daardie keuse vir "jou beste lewe nou" vandag. Tersia, hoe moet ek die beste daarvan maak as my omstandighede dit nie toelaat nie, of ek byvoorbeeld nie geld het nie of nie die selfvertroue het of tyd het nie?

Dis die mooi deel daarvan. Jy moet werk met dit wat jy reeds het, net daar waar jy nou is in jou lewe. Maak die beste daarvan. 

Vind jou unieke doel. Miskien is dit om ñ tuisbly Mamma te wees. Jy dink dalk dat jy nie veel doel het om broodjies te pak elke oggend en te help met skoolwerk in die middae nie. Tog, is jy besig om aan jou kind se karakter te bou. Joel Osteen het ñ mooi verduideliking gegee... in die Bybel lees ons van die seuntjie wat se kosblik met broodjies en vis, die hele skare gevoer het, nadat Jesus die kos vermeerder het. Dink nou net as daai seuntjie se Mamma nie daardie oggend haar doel kom insien om ñ eenvoudige kosblik met vis en brood te pak nie? Dan het ek en jy nie vandag eers daai verhaal geken nie.

Jy werk dalk voltyds om die rekeninge te betaal, maar dis nie werklik jou passie nie. Tot daar kan jy jou unieke roeping aanwend. Dalk is jou roeping om komberse vir minder bevoorregtes te brei en jy kan jou kollegas aanmoedig om jou te help. Miskien is jy iemand by die werk se enigste steunpilaar en vriend.

Moenie soveel fokus op wie jy nié is of op wat jy nié het nie. Begin klein treetjies neem en fokus op wie jy wel is en wat jy wel het. Soveel minder druk, nie waar nie?

Ek is vas oortuig dat wanneer ons "live" voor God moet staan, Hy nie gaan vra wie het die duurste huis gehad, die vinnigste kar gery of selfs wie se klere was die mooiste nie. God gaan nie wonder oor wie die kompetisie gewen het of die bevordering gekry het of selfs wie se punte die beste was nie. Hy sal nie vra wanneer laas jy op vakansie oorsee was of hoe jou rapport gelyk het nie. Ja, prestasie is iets om op trots te wees, maar, jy moet weet - dis net ñ lekker "added bonus". Ek glo God gaan wel elkeen op die naam roep en vra of hy of sy hul roeping op aarde vervul het? Hetsy dit was om ñ sieke te versorg, broodjies te pak of om kollegas te ondersteun. As jy nogsteeds nie weet nie, bid daaroor, wat is dit wat jou uniek maak?

Groot of klein, jou doel het ñ doel. Sou die mooiste geboue regoor die wêreld ooit kon bestaan sonder daardie eerste ou wat die steen gepleister het? 

Ons lewens is almal op een of ander manier verbind, soos ñ legkaart wat ñ storie vorm. Tog, alhoewel elke stukkie van die legkaart perfek inmekaar pas om ñ groter prent te vorm, lyk elke liewe stukkie anders en enig in sy soort. Dink net, as elke stukkie van die legkaart baklei het om soos ñ ander stukkie te lyk, hoe skeef en gebroke sou die finale prentjie nie wees nie?

Groot of klein - laat jou liggie skyn.
Wees jý. Niemand anders kan nie.

~ TG.

Featured post

Nie goed genoeg nie!

  Stelling A: "You were born... pre-approved" Glo jy dit?  Stelling B: "You were unsuccessful..." Jy kán nie, jy is nie ...